• *訂單滿$600 即享免運費優惠** (折扣後,訂單需總額超過$600)
  • [活動] 由即日至12月17日。每賣一個盆菜, iCook就會拎番$100 嚟捐贈弱勢社群/有需要人士,大家有得食之餘亦能夠做善事, 希望大家都有暖笠笠冬天。
icon-search
icon-search

廚房聖物:砧板!

廚房聖物:砧板!

砧板可以講係廚房內嘅聖物! 每個廚房都至少會有一塊,甚至兩到三塊都有。 係香港依啲彈丸之地, 到底點樣揀一塊適合自己嘅砧板呢? 一般市民又應該點樣去保養塊砧板? 係咪真係可以一塊用十幾年? 洗唔洗重課金去買塊靚嘢呢?


首先要講分類, 砧板主要有兩種: 木& 塑膠。 當然日新月異, 依家仲會係市面見到竹,玻璃, 甚至雲石嘅砧板。 


物料:


其實買咩物料/價錢都唔係最重要, 反而係點樣保養單係關鍵。 

就一般家用常見嘅木砧板, 或者商用廚房常見成呎厚嘅塑膠砧板。  香港天氣有時都幾潮濕, 所以如果用木砧板, 要保持乾爽都好緊要。 發霉就。。。 換過塊喇! 


塑膠砧板打理較為容易, 不過因為塑膠砧板較容易產生刀痕, 好容易會藏咗啲肉屑係罅隙入面。 清理要小心,其次就係刀痕太多會唔靚😂, 較容易變黃。


開(光)板?:


買返嚟要開(光)板? 木砧板其實只需要開慢水喉沖吓水, 等水份滲入到木芯部份。 千祈唔好大水沖!會沖走晒入面嘅樹(木)脂, 冇晒滋潤。 另外都有人會抹油去開板嘅~


如果真係要浸, 就用大量粗鹽, 開熱水浸過夜, 將裡面嘅氣泡迫出板外,都可以達到開板效果。 


保養:

另外其實平時切生嘢(豬牛羊雞魚)等等, 裡面嘅油脂都會滲入去滋潤塊板。切記唔好用洗潔精/化學嘢去洗木砧板!  短幾年命架!如果真係好污糟/有陣味? 


可以用粗鹽省吓, 再用檸檬捽吓表面,清水過乾淨就可以喇~   


發現有坑紋? 有人會用刀刮去減少表面嘅坑紋,盡量減少細菌殘留係入面嘅機會。 


簡單小總結: 


如果平時比較少下廚嘅,阿四會建議用塑膠嘅砧板, 因為較容易打理,亦較少機會存在發霉嘅問題。 如果經常下廚嘅朋友可以選擇用木砧板, 相對地對刀嘅吸震, 保護性都較好。  如果條件/環境許可,最好有2塊,甚至3塊砧板就最好, 可以分開生,熟,水果咁用。


阿四


#砧板

#砧板保養

#木砧板

#膠砧板



上一頁 下一頁

您的購物車目前還是空的。
繼續購物